མཉམ་མེད་ཤེས་རབ་རྒྱལ་མཚན་གྱི་གསོལ་འདེབས་ཐུགས་རྗེས་མྱུར་གཟིགས་མ།

0
558

སངས་རྒྱས་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་གྱི་གསོལ་འདེབས་ཐུགས་རྗེས་མྱུར་གཟིགས་མ་བཞུགས་སོ།།

སྨན་རིའི་མཁན་ཆེན་ཀུན་མཁྱེན་ཉི་མ་བསྟན་འཛིན་གྱིས་བརྩམས།

ན་མོ་སད་གྱེར་ཇུ་ཙེ་ཅི་པར་རད་ཎ་ས་ཏྲིག་ཝེར་ཞི་གུ་དུན་ཧྲུན།

ཞེས་སངས་རྒྱས་བསྟན་པའི་གཙོ་བོའི་སྤྲུལ་པ་འཛམ་གླིང་བྱེ་བ་ཕྲག་བརྒྱར་སྤྲུལ་སྐུ་བྱེ་བ་ཕྲག་བརྒྱ་བྱུང་བའི་ནང་ཚན། དེང་སྐབས་ཚེ་ལོ་ལྔ་བཅུ་ཁ་རལ་གྱི་དུས་སུ་སྤྲུལ་སྐུ་བྱེ་བ་ཕྲག་བརྒྱའི་གཙོ་བོར་གྱུར་པ། ལྔ་བདོའི་སངས་རརྒྱས་གཉིས་པ་ཡིན་ངེས་པའི་རྟགས་སུ།བླ་ཆེན་དྲན་པ་ནམ་མཁའི་གཙོས་པའི་རིག་འཛིན་མཁའ་འགྲོ་རྣམས་ཀྱིས། ཡན་ལག་བརྒྱད་ལྡན་བསྟོད་ཕྱག་རྣམ་རྒྱལ་ཁང་བཟང་ཕུལ་བ་མཛད་པ། གསང་མཆོག་ཐུགས་སྤྲུལ་དམུ་རྒྱལ་ཉི་མ་རྒྱལ་མཚན་གྱི་སྙན་རྒྱུད་ལས་དངོས་སུ་གསལ་བ་ལྟར། སྙིགས་དུས་ཀྱི་སྟོན་པ་སངས་རྒྱས་མཉམ་མེད་ཆེན་པོའི་གསོལ་འདེབས་བརྩེ་བའི་ཐུགས་རྗེས་མྱུར་གཟིགས་མ་ཞེས་བྱ་བ་ལ།

ཐོག་མར་ཕྱི་རྒྱུད་རྒྱུ་ཡི་ཐེག་པའི་ལུགས་བཞིན་གསོལ་བ་འདེབས་པ་ནི།

ཨེ་མ་ཧོ།། གང་ཐུགས་སྤྲོས་བྲལ་གཡོ་བ་མེད་པ། །

བསྐལ་བཟང་སྒྲོན་མེའི་བསྐལ་པར་བྱོན་པའི།།

དུས་གསུམ་ཕྱོགས་བཅུའི་སངས་རྒྱས་ཐམས་ཅད།།

སྙིགས་དུས་རྒྱལ་བ་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།ཞེས་ལན་གསུམ་རེ་བརྗོད།

གང་གསུང་བདེན་གཉིས་ཚད་གསུམ་ཟུང་འབྲེལ།།

བཀའ་འཁོར་ཐོག་མཐའ་བར་གསུམ་རང་བཞིན།།

བརྒྱད་ཁྲི་བཞི་སྟོང་ལུང་རྟོགས་ཀུན་འདུས།།

སྙིགས་དུས་སངས་རྒྱས་གཉིས་པར་བྱོན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

གང་སྐུ་བསླབ་གསུམ་རྣམ་པར་དག་པ།།

སྤང་བསྒྱུར་གྲོལ་བའི་ལམ་ཞུགས་དོན་རྟོགས།།

ཐེག་མཆོག་རྒྱལ་སྲས་སེམས་དཔའ་ཀུན་འདུས།།

སྙིགས་དུས་རྒྱལ་བ་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

དེ་ནས་ནང་རྒྱུད་འབྲས་བུའི་ཐེག་པའི་ལུགས་བཞིན་གསོལ་བ་འདེབས་པ་ནི།

བྱིན་རླབས་རྩ་བ་དཔལ་ལྡན་བླ་མ།།

རྒྱལ་བ་དགོངས་རྒྱུད་གྲུབ་ཆེན་རིག་འཛིན།།

སྐུ་གསུམ་འབྱུང་གནས་བླ་མ་ཀུན་འདུས།།

སྙིགས་དུས་སངས་རྒྱས་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

མཐུ་སྟོབས་རྩ་བ་ཡི་དམ་ལྷ་མཆོག།

ཞི་ཁྲོ་ཕུར་གསུམ་མེ་སྟག་ཁྱུང་སོགས།།

གསང་གསུམ་བདག་ཉིད་ཡི་དམ་ཀུན་འདུས།།

སྙིགས་དུས་སངས་རྒྱས་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

འཕྲིན་ལས་རྩ་བ་མ་སྲིང་མཁའ་འགྲོ།།

ཡེ་ཤེས་རྫུ་འཕྲུལ་ལས་ལ་གྲུབ་པའི།།

གནས་གསུམ་མཁའ་འགྲོའི་རྒྱ་མཚོའི་མིང་གཅིག།

སྙིགས་དུས་སངས་རྒྱས་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

དེ་ནས་གསང་བ་བླ་མེད་ཐེག་པའི་ལུགས་བཞིན་གསོལ་བ་འདེབས་པ་ནི།

མི་གཡོ་སྤྲོས་བྲལ་གདོད་མའི་མགོན་པོ།།

སྐྱེ་མེད་སྟོང་ཆ་མེད་པ་ལྔ་ལྡན།།

བོན་སྐུ་ཀུན་ཏུ་བཟང་པོ་དངོས་བྱོན།།

སྙིགས་དུས་སངས་རྒྱས་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

འོག་མིན་འཐུག་པོ་བཀོད་པའི་ཞིང་དུ།།

འགག་མེད་ལྷུན་གྲུབ་ངེས་པ་ལྔ་ལྡན།།

རྫོགས་སྐུ་གཤེན་ལྷ་འོད་དཀར་དངོས་བྱོན།།

སྙིགས་དུས་སངས་རྒྱས་གཉིས་པར་བྱོན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

འཛམ་གླིང་རྟག་གཟིགས་འོལ་མོ་གླིང་དུ།།

གཉིས་མེད་གང་འདུལ་མ་ངེས་ལྔ་ལྡན།།

སྤྲུལ་སྐུ་བསྐལ་སྟོང་སངས་རྒྱས་དངོས་བྱོན།།

སྙིགས་དུས་རྒྱལ་བ་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།། ཞེས་ལན་གསུམ་རེ་བརྗོད།

ཡང་གསང་ལྷན་སྐྱེས་སེམས་ཉིད་ཀྱི་སྒོ་ནས་གསོལ་བ་འདེབས་པ་ནི།

ཀཿདག་ཡེ་སྟོང་སྤྲོས་བྲལ་ཀུན་གཞི།།

མ་བཅོས་ཡེངས་མེད་སྐྱོང་བའི་ལམ་མཆོག།

འབྲས་བུ་ལྷུན་གྲུབ་མཐར་ཕྱིན་སྐུ་གསུམ།།

སྙིགས་དུས་རྒྱལ་བ་གཉིས་པར་བསྟན་པ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

མཉམ་མེད་ཤེས་རབ་རྒྱལ་མཚན་མཁྱེན་ནོ།།

ཞེས་ལན་གསུམ་རེ་བརྗོད་ཅིང་སྙིང་ཁོང་རུས་པའི་གཏིང་ནས་རྩེ་གཅིག་གསོལ་བ་དྲག་ཏུ་གདབ་ན།རྒྱལ་བ་མཉམ་མེད་ཆེན་པོ་སངས་རྒྱས་དངོས་སུ་ལགས་ཕྱིར། རང་རེའི་རྗེས་འབྲང་རྣམས་ལ་ཐུགས་རྗེ་ཡེ་ཤེས་སྤྱན་གྱིས་གཟིགས་པ་ཐེ་ཚོམ་མེད་དོ།།

སྨོན་ལམ་ནི།

ལྷ་ཡི་ལྷ་མཆོག་ཉིད་ལ་གསོལ་བཏབ་མཐུས།།

བསླབ་གསུམ་བོན་བསྟན་དར་རྒྱས་འཕེལ་བ་དང་།།

འདི་ཕྱིའི་དོན་གཉིས་ལྷུན་གྲུབ་མཐར་ཕྱིན་ནས།།

མཉམ་མེད་བླ་མའི་བསྟན་པ་རྒྱས་བྱེད་ཤོག།

ཅེས་བྱའོ།།

སྤྱིར་རང་རེ་བོན་གྱི་བསྟན་པ་རྒྱ་ཆེ་མི་ཡོང་བ། སྤྱིར་བླ་མ་ལྷ་ཡི་གཙོ་བོར་བཟུང་སྟེ་གསོལ་བ་གདབ་མ་ནུས་པ་དང་། རྩ་བའི་བླ་མའི་བཀའ་དམ་ལ་མ་སེམས་པའི་སྐྱོན་ཡིན་འདུག་པས། རྗེས་འཇུག་རྣམས་ལུས་སྲོག་ལོངས་སྤྱོད་གཏམ་དང་སྙན་གྲགས་ཆུས་སོ་གང་ལ་ཐུག་ཀྱང་། བླ་མའི་དམ་ཚིག་གཙོར་འཛིན་ནས། གསོལ་འདེབས་བླ་མའི་རྣལ་འབྱོར་ལ་བརྩོན་པར་ཞུ་ཞུ།

ཞེས་པ་ཉམས་སུ་ལེན་པ་སྒོ་རིགས་མཁན་མིང་ཉི་མ་བསྟན་འཛིན་གྱིས་གཡས་རུ་མཁར་སྣའི་རི་ཁྲོད་དུ།མཉམ་མེད་ཆེན་པོ་སངས་རྒྱས་དངོས་སུ་ཡིན་པ་དེ་བཞིན་དད་འདུན་དྲག་པོ་ཤར་ཏེ་བརྩམས་པའི་དགེ་དེས་བོན་བསྟན་རྒྱས་གྱུར་ཅིགཐ་ཚན་མུ་ཙུག་སྨར་རོ།།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །