ཚད་མ་རྣམ་འབྱེད་འཕྲུལ་གྱི་སྒྲོན་མེའི་གཞུང་བཞུགས།

0
847

རྩོམ་པ་པོ། མཉམ་མེད་ཤེས་རབ་རྒྱལ་མཚན།

༄༅། །འགྲོ་ལ་ཕན་མཛད་ཐུགས་རྗེའི་གཏེར། །ཕུལ་ཕྱིན་ཡོན་ཏན་རྫོགས་པའི་སྐུ། །ཀུན་གསལ་མཁྱེན་པའི་སྤྱན་མངའ་བ། །ཡང་དག་སྟོན་ལ་ཕྱག་འཚལ་ནས། །རང་དང་གཞན་ལ་ཕན་སླད་དུ། །མཁས་རྣམས་བཀའ་ལ་རབ་བརྟེན་ནས། །མ་རྟོགས་བློ་ཡི་མུན་སེལ་བ། །རྣམ་འབྱེད་གསལ་བའི་སྒྲོན་མེ་བཤད། །ལུང་རིག་སྨྲ་བའི་སེང་སྐད་ཅན། །མཁས་རྣམས་བསྐུལ་བར་མི་འོས་མོད། །ཤེས་འདོད་ལེགས་པའི་དོན་གཉེར་བ། །དད་མོས་བློ་ཡིས་འདིར་གསན་མཛོད། ཡུལ་ནི་བློས་ཡུལ་བྱ་རུང་ལ། །གཟུང་དང་ཞེན་དང་འཇུག་ཡུལ་གསུམ། །འཛིན་པ་ལ་ནི་སྣང་རུང་བ། །གཟུང་ཡུལ་ཉིད་ཡིན་དེ་ལའང་གསུམ། །རང་མཚན་དོན་སྤྱི་མེད་སྣང་ངོ༌། །རང་མཚན་ཐུན་མོང་མ་ཡིན་པའི། །རྣམ་པ་སྣང་རུང་སྣང་ཚུལ་དང༌། །མཐུན་པར་དོན་བྱེད་ནུས་པའོ། །

བེམ་རིག་སྒོ་ནས་རྣམ་པ་གཉིས། །མང་པོའི་རྣམ་པ་སྣང་རུང་བ། །དོན་སྤྱི་ཉིད་ཡིན་དེ་ལ་གཉིས། །རང་མཚན་ཡོད་དང་མེད་པའོ། །འཛིན་པ་འཁྲུལ་ལ་གསལ་བར་སྣང༌། །མེད་པ་གསལ་སྣང་དབང་ཤེས་དང༌། །ཡིད་ཤེས་བསླད་ལ་གསལ་སྣང་གཉིས། །རྟོག་པས་ཞེན་རུང་ཞེན་ཡུལ་ལོ། །དངོས་དང་དངོས་མེད་སྒོ་ནས་གཉིས། །ཚད་མས་རྟོགས་བྱ་འཇུག་ཡུལ་ཡིན། །མངོན་དང་ལྐོག་ཏུ་གྱུར་པ་གཉིས། །མངོན་དང་རྗེས་དཔག་ཚད་མ་ཡིས། །རྟོགས་པར་བྱ་བ་དེ་གཉིས་ཡིན། །བརྗོད་བྱ་དང་ནི་རྗོད་བྱེད་ནི། །བརྡ་ལས་གོ་བྱ་གོ་བྱེད་ཡིན། །རྗོད་བྱེད་མིང་ཚིག་ཡི་གེ་གསུམ། །མིང་ལ་དངོས་བཏགས་རྣམ་པ་གཉིས། །དངོས་ལ་རྣམ་གཉིས་མིང་རིགས་སྒྲ། །བཏགས་པ་འདྲ་འབྲེལ་སྒོ་ནས་གཉིས། །འབྲེལ་བ་རྒྱུ་འབྲས་ཚོགས་པ་དང༌། །ཡ་གྱལ་རྣམས་ཀྱི་ཁྱད་པར་བཞི། །རིགས་མི་མཐུན་ལས་ལོག་ཙམ་སྤྱི། །བྱེ་བྲག་མི་མཐུན་ལས་ལོག་ཅིང༌། །རིགས་མཐུན་ནང་ལས་ལོག་པ་ཡོད། །ཡ་གྱལ་དུ་མ་འདུས་པས་སྤྱི། །འཚོགས་པའི་ཁ་ཡར་ཡ་གྱལ་ཡིན། །གཞན་ངེས་ལྟོས་གཞིར་གྱུར་པར་བྱ། །རང་ངེས་གཞན་ལ་ལྟོས་པར་བྱེད། །རིགས་ཀྱི་སྤྱི་ལྡོག་བྱེ་བྲག་ལྡོག །བྱེ་བྲག་གྲུབ་པས་སྤྱི་ཡང་འགྲུབ། །གྲངས་ཀྱི་སྤྱི་ལྡོག་སྒོས་མི་ལྡོག །ཡ་གྱལ་ཁེགས་པས་སྤྱི་དག་ནི། །ཁེགས་དང་མི་ཁེགས་ཆ་གཉིས་སྲིད། །ཚོགས་པ་གྲུབ་ན་ཡ་གྱལ་གྲུབ། །ཡ་གྱལ་གྲུབ་ན་ཚོགས་པ་ནི། །གྲུབ་དང་མ་གྲུབ་ཆ་གཉིས་སྲིད། །བྱ་བྱེད་གཉིས་ལ་ཅི་རིགས་ཡོད། །གཞི་མཐུན་མི་སྲིད་ཐ་དད་བོན། །འགལ་བ་ཉིད་ཡིན་དེ་ལ་གཉིས། །ལྷན་ཅིག་མི་གནས་ཕན་ཚུན་སྤང༌། །དེ་ཡིན་དེ་མིན་ཁྱད་པར་གྱིས། །གཞི་མཐུན་མི་སྲིད་ཐ་དད་བོན། །ཕན་ཚུན་སྤང་འགལ་དེ་ལ་གཉིས། །དངོས་འགལ་དང་ནི་རྒྱུད་འགལ་ལོ། །དངོས་སུ་གཞི་མཐུན་མི་སྲིད་པའི། །ཐ་དད་བོན་ནི་དངོས་འགལ་ཡིན། །རྒྱུད་ནས་གཞི་མཐུན་མི་སྲིད་པའི། །ཐ་དད་བོན་ནི་རྒྱུད་འགལ་ལོ། །དངོས་འགལ་དག་གི་ཁྱད་པར་ཏུ། །བྱས་དང་མ་བྱས་རྣམ་པ་གཉིས། །མ་བྱས་པ་ལ་རྣམ་པ་གཉིས། །གསལ་དང་མི་གསལ་སྒོ་ནས་གཉིས། །ནུས་པ་མི་མཐུན་ཁྱད་པར་གྱིས། །རྒྱུན་ནི་འགྲོགས་སུ་མི་རུང་བ། །གཞི་མཐུན་མི་སྲིད་ཐ་དད་བོན། །དེ་ནི་ལྷན་ཅིག་མི་གནས་འགལ། །བེམ་རིག་གཉིས་ཀྱི་ཁྱད་པར་གཉིས། །བེམ་པོ་མེ་ཆུ་ལྟ་བུ་ལ། །ཤེས་པ་ཚད་དང་སྒྲོ་འདོགས་བཞིན། །འགྲོ་ལྡོག་ངེས་པ་ཐ་དད་བོན། །འབྲེལ་བ་ཉིད་ཡིན་དེ་ལ་གཉིས། །བདག་གཅིག་པ་དང་དེ་བྱུང་འབྲེལ། །རང་བཞིན་གཅིག་པ་འགྲོ་ལྡོག་ངེས། །ཐ་དད་བོན་ནི་བདག་གཅིག་འབྲེལ། །དངོས་དང་དངོས་མེད་སྒོ་ནས་གཉིས། །འགྲོ་ལྡོག་ངེས་པ་རྫས་ཐ་དད། །དེ་བྱུང་འབྲེལ་ཡིན་དེ་ལ་གཉིས། །ཕན་འདོགས་བྱེད་པ་རྒྱུ་ཉིད་ལ། །དངོས་དང་རྒྱུད་པའི་སྒོ་ནས་གཉིས། །བེམ་རིག་གཉིས་ཀྱི་ཁྱད་པར་གྱིས། །དབྱེ་བ་གཉིས་གཉིས་རྣམ་པ་བཞི། །ཕན་གདགས་བྱ་ནི་འབྲས་བུ་ལ། །དེ་ལ་དངོས་རྒྱུད་རྣམ་པ་གཉིས། །བེམ་རིག་གཉིས་ཀྱི་ཁྱད་པར་གྱིས། །དབྱེ་བ་དེ་ཡང་རྣམ་པ་བཞི། །སྤྱི་འཆར་དེ་མིན་སྤྱི་འཆར་ལ། །ལྟོས་དང་མི་ལྟོས་དགག་སྒྲུབ་ཡིན། །སྟོང་ཉིད་བུམ་མེད་དངོས་མེད་སོགས། །སྒྲུབ་པ་བཀག་པ་དགག་པ་ཡིན། །བུམ་མེད་དངོས་མེད་བཀག་ལ་སོགས། །དགག་པ་

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།