སྟོན་པ་སངས་རྒྱས་ཀྱི་འཁྲུངས་དུས་ལ་དཔྱད་པ།

0
3349
སློབ་གཉེར་བའི་རྩིས་ཀྱི་ཤོག་ཁྲ། ༧དཔལ་ལྡན་ཁྲི་བརྟན་ནོར་བུ་རྩེ།

རྩོམ་པ་པོ། ༧སྐྱབས་རྗེ་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེ།

རྣམ་འདྲེན་རྫོགས་པའི་སངས་རྒྱས་རྒྱལ་བ་གཤེན་རབ་མི་བོའི་ཞབས་ལ་སྒོ་གསུམ་གུས་པས་ཕྱག་འཚལ་ལོ། །
རྣམ་འདྲེན་རྫོགས་པའི་སངས་རྒྱས་རྒྱལ་བ་གཤེན་རབ་མི་བོའི་ཞབས་ལ་སྒོ་གསུམ་གུས་པ་ཆེན་པོས་ཕྱག་འཚལ་ལོ། །

༄༅། །བདག་ཅག་གི་སྟོན་པ་སངས་རྒྱས་འཁྲུངས་པའི་དུས་དཔྱིད་ཟླ་ར་བ་རུ་ངེས་ཀྱང༌། དཔྱིད་ཟླ་ར་བ་ལ་ངོས་འཛིན་མི་འདྲ་བ་མང་དུ་སྨྲས་ནས་མཁས་བླུན་མང་པོའི་དབུ་གདུགས་ལྟར་ཁྱི་ལི་ལི་འཁོར་བར་བྱུང་འདུག་འདིར་ལུང་གི་ཚིག་བཞག་ནས་དེ་ཡི་དོན་ལ་དཔྱད་ན། གཟི་བརྗིད་ལས། ལོ་ཡི་རྒྱལ་པོ་ཤིང་ཕོ་བྱི་བ།ཟླ་བའི་དང་པོ་དཔྱིད་ཟླ་ར་བ། ཞག་གི་སྙིང་པོ་ཚེས་བཅོ་ལྔ། དུས་ཚོད་ཀྱི་དང་པོ་ནམ་ལངས་པ། སྐར་མའི་དམ་པ་རྒྱལ་གྱི་རུ་གོང་ལ་སྐུ་བལྟམས། ཞེས་དང་༌།བླ་ཆེན་ཁོད་སྤུངས་དྲན་པས་མཛད་པའི་མཛོད་སྒྲ་འགྲེལ་ལས། ལྡི་ལིའི་པར་མ། ༼༡༡༤༽དེ་བཞིན་དུ་དཔྱིད་ཟླ་ར་བ་གང་ཞེ་ན། སྙིང་པོ་སྟག་གིས་འཛིན་ནོ། །སྐར་མ་རྒྱལ་ལ་ཚེས་སོ། །ནམ་ཟླ་དཔྱིད་ཟླ་ར་བའོ། །དེ་བཞིན་དུ་འབྲིང་པོ་ཡོས་བུ་རྟ་ཡི་ཚེས། ཞེས་དང་། དམུ་གཤེན་དྲན་པས་མཛད་པའི་དྲང་དོན་མུན་སེལ་གྱི་གཤེན་རབ་མཛད་པ་མཐར་ཕྱུང་གི་ལེའུ་ལས། དེ་ཡང་ལོ་ཡི་དང་པོ་བྱི་བ། ཟླ་བའི་དང་པོ་དཔྱིད་ཟླ་ར་བ། ཞག་གི་དང་པོ་ཚེས་བཅོ་ལྔ། སྐར་མའི་དང་པོ་རྒྱལ་གྱི་རུ་གོང༌། དུས་ཚོད་ཀྱི་དང་པོ་ནམ་ལངས་པ་ལ་སྐྱེ་བ་བཞེས་ཏེ། ཞེས་དང༌།མཁན་ཆེན་གྱི་བསྟན་རྩིས་ནོར་འཕྲེང་ལས། དཔྱིད་ར་མེ་སྟག་ཟླ་ཚེས་༡༥ཡི་རྒྱལ་ཕུར་འཛོམས་པའི་ནམ་ལངས་ལ། ཞེས་དང༌། ཀློང་རྒྱས་ལས། དཔྱིད་ཟླ་ར་བའི་བཅུ་བཞི་ལ། སྐར་མ་དབང་བསྒྱུར་ལག་དུས་སུ། ས་བཟུང་ཀུན་ཀ་དེ་རུ་འཚོགས། ཞེས་དང༌། དེ་རིང་བཅུ་བཞིའི་གདུགས་ལ་གཞི་བཟུང་ཡོ་བྱད་གསོག ནངས་པར་བཅོ་ལྔ་རྒྱལ་ལ་མཆོད་སྦྱིན་རྒྱས་པར་འབུལ་བ་གཅད། ཅེས་གསུངས།མཁན་ཆེན་ཉི་མའི་བསྟན་རྩིས་ཀྱི་དོགས་བསལ་པཎ་ཙ་ལི་ཀའི་ཆུན་པོ་ལས། ལོ་ཡི་རྒྱལ་པོ་སོགས་ནས་སྐར་མའི་དམ་པ་རྒྱལ་གྱི་རུ་གོང་ལ་སྐུ་བལྟམས་པ་ཡན་ཆད། མདོ་རྒྱུད་མཐའ་དག་གི་དགོངས་པ་གཅིག་ཏུ་འདུས་པ་ཡིན་པས་སོམ་ཉི་དང་བྲལ་བ་ཡིན་ནོ། །ཞེས་གསུངས། གོང་གསལ་ལུང་འདི་རྣམས་ཀྱི་དགོངས་པ་དང་ཁས་ལེན་ནང་འགལ་ལོ། །སྟོན་པ་འཁྲུངས་དུས་ནི་ཚེས་བཅོ་ལྔ་ཡིན་པ་གཞིར་བཞག་དེའི་ཉིན་ཟླ་སྐར་རྒྱལ་ལ་བབས་པ་ཡིན་པ་མཛོད་སྒྲ་འགྲེལ་ལས་གསལ་བར་གསུངས། རྒྱལ་ལ་ཡང་རྒྱལ་སྟོད་དང་རྒྱལ་སྨད་གཉིས་ཡོད་པས་རྒྱལ་སྟོད་ཡིན་དགོས་ཏེ། འདུལ་བ་ཀུན་འབྱུང་དབྱིངས་དག་གི་རྒྱུད། ༼ཁ་༡༢༩༽མི་ལོ་ལྔ་བདུན་སྟག་གི་ལོ། ཟླ་འབྱུང་དཀར་པོ་རྒྱལ་གྱི་བཅུ་གསུམ། རྒྱུ་སྐར་གྲངས་འཛིན་ལྡན་པ་མགོ་ཅེས་དང༌། མདོ་གཟེར་མིག་ལས། གསས་ཁང་དཀར་ནག་བཀྲ་གསལ་ལ་རབ་གནས་མཛད་དུས་གཏོ་བུས་གསུངས་པ། དེ་རིང་བཅུ་བཞི་ལག་ལ་གཞི་བཟུང་། སང་ཉིན་བཅོ་ལྔ་རྒྱལ་ལ་མཆོད་སྦྱིན་བྱེད། ཅེས་གསུངས་པས། སྐར་མ་ལག་ཚེས་བཅུ་བཞི་ལ་ཁེལ་བའི་རྗེས་དེ་མ་ཐག་ཚེས་བཅོ་ལྔ་བྱུང་བའི་དུས་ཀྱི་རྒྱལ་དེ་རྒྱལ་སྟོད་ནམ་ནབ་སོ་རྒྱལ་གྱི་རུ་གོང་ལས་འོས་མེད་པའི་ཕྱིར། དེ་འདྲའི་སྐར་མ་རྒྱལ་ཉ་སྐར་ཁེལ་བའི་ཟླ་བ་ནི། ཟླ་བ་བཅུ་གཉིས་ནང་དུ་གཅིག་མ་གཏོགས་མེད་པ་གང་ཞིག་དེ་དཔྱིད་ཟླ་ར་བ་ཡིན་པ་ནི་མཛོད་སྒྲ་འགྲེལ་ལས་ཤིན་ཏུ་གསལ་བར་གསུངས་པའི་ཕྱིར། དེ་འདྲ་བའི་དཔྱིད་ཟླ་ར་བ་དེ་སྟོན་པ་སངས་རྒྱས་འཁྲུངས་པའི་དུས་ཡིན་དགོས་པ། མདོ་ཡི་དགོངས་པ་ཡིན་པའི་ཕྱིར། དེ་ལ་དྲང་དོན་མུན་སེལ་གྱི་ཚོགས་འགྱུར་གཟེར་བུའི་ལུང་དྲངས་ཏེ།སྟོན་འཁྲུངས་དུས། ཟླ་བ་རྟ་པ་དང་སྐར་མ་རྒྱལ་གྱི་ཁོངས་སུ་བྱོན་པའི་དུས་སུ་ཚོགས་ཆེ། ཞེས་གསུངས་པས། རྟ་པ་ཟླ་བ་ནི་དང་པོ་ཡིན་པས་དེ་དཔྱིད་ཟླ་ར་བ་ཡིན་དགོས་སོ། །ཞེས་མཁན་ཆེན་ཉི་མ་དང༌། སྡེ་དགེ་མཁས་གྲུབ་ལུང་རྟོགས་རྒྱ་མཚོ། ཁྱུང་སྤྲུལ་འཇིག་མེད་ནམ་མཁའི་རྡོ་རྗེ་སོགས་ཀྱིས་མགྲིན་པ་བཏེགས་ནས་གསུངས་འདུག་ཀྱང༌། དྲང་དོན་མུན་སེལ་གྱི་ཚོགས་འགྱུར་གཟེར་བུའི་ལུང་དྲངས་པ་དེའི་མཇུག་དེར་བསྟན་པ་བཞག་དུས་དཔྱིད་ཟླ་ར་བའི་ཉ་ཡིན་པས་ཚོགས་ཆེའོ། །ཞེས་དང་དེའི་མཆན་དུ། ཀོང་ཙེ་འཕྲུལ་རྒྱལ་ཡིན་ནོ། །ཞེས་གསུངས། དེའི་དཔྱིད་ཟླ་ར་བའི་ཉ་དེ་ནི་སྔར་གཟེར་མིག་གི་ལུང་དྲངས་པ་ལྟར་ཚེས་བཅུ་བཞི་ལ་ལག་དང༌། བཅོ་ལྔ་ལ་རྒྱལ་ཁེལ་བ་དེ་ཡིན་པ་མ་གཏོགས་དཔྱིད་ཟླ་ར་བ་ཞེས་པ་ལོ་རེ་ལ་ཟླ་བ་གཅིག་མ་གཏོགས་མི་འབྱུང་བའི་ཕྱིར། །

༈ བདག་ཅག་སྟོན་པ་རྫོགས་སངས་རྒྱས། གཤེན་རབ་མི་བོ་སྤྲུལ་པའི་སྐུ།འབྱུང་ལྡན་དང་པོ་ཤིང་བྱི་ཡི། རྒྱལ་ཟླ་དཔྱིད་རའི་ཚེས་བཅོ་ལྔར། འཁྲུངས་པར་གསུངས་པའི་མདོ་ཡི་དོན། རྩིས་གཞི་སོ་སོ་དང་བསྟུན་ནས། ཉིན་ཚེས་ཁྱིམ་གྱི་ཞག་རྩིས་ཞིག་དྷྲཱུ་བ་ཡར་ལོག་བྱས་པའི་ཚུལ། དང་པོ་དཔྱད་གསུམ་དག་རྩིས་ལྟར། རྒྱལ་ཟླའི་ཚེས་པ་བཅོ་ལྔའི་ཉིན།

༡༥༽ རེས་གཟའ།     ཟླ་སྐར། ཉིན་སྐར།   སྦྱོར་བ།

༢  ༦  ༢༠  ༢༦

༥༤  ༢  ༢༦  ༢༨

༡༠  ༡༨  ༢༩  ༤༧

༤  ༣  ༢  ༥

༡༦༣༣  ༡༣༢  ༠  ༡༣༢  ༣༠༩

གཟའ་སྐར་གནས་དང་ཆུ་ཚོད་དང་༌། ཆུ་སྲང་དབུགས་དང་ཆ་གོང་འོག

༧དེ་ཡི་ཉིན་དེར་ཉིན་ཞག་བརྒྱད། །ཁེལ་བའི་དེ་ཡི་གཟའ་ཟླ་སྐར། ཉིན་སྐར་སྦྱོར་བ་དང་བཅས་པ།

༨༽ གཟའ། ཟླ་སྐར།   ཉིན་སྐར། སྦྱོར་བ།

༢  ༦  ༢༠  ༢༦

༠  ༡༣  ༢༢  ༣༥

༠  ༢༤  ༣༤  ༥༨

༠  ༣  ༡  ༤

༠  ༡༠༠༨  ༥༥༧  ༡༥༦༦

༨༣༩༢  ༧༠༥༢  ༤༣༠༩

༧་དེ་བཞིན་རྒྱལ་གྱི་ཟླ་བ་ཡི། ཚེས་ཞག་བཅོ་ལྔར་ཁྱིམ་ཞག་གི་ཆུ་སྲིན་ཁྱིམ་གྱི་་ཞག་གསུམ་པ། དེ་ཡི་དུས་ཀྱི་གཟའ་ཟླ་སྐར། ཉིན་སྐར་སྦྱོར་བ་བཅས་པ་ཡི། རི་མོ་ཞིབ་པར་བཀོད་པ་ནི།

༣༽ཆུ་སྲིན། གཟའ།   ཟླ་སྐར། ཉིན་སྐར། སྦྱོར་བ།

༢  ༦  ༢༠  ༠

༡༨  ༥༩༢༩  ༢༨

༡༥  ༥༡  ༦  ༥༧

༣  ༥  ༠  ༥

༩༦  ༡༧༧  ༠  ༡༧༧

༡༨༧༠  ༩༡༩  ༠  ༩༡༩  ༧

གཤེན་གྱི་རྩིས་གསར་རྣམ་དག་ལྟར། འབྱུང་ལྡན་དང་པོ་ཤིང་བྱི་ལོའི།     དཔྱིད་ར་རྒྱལ་ཟླའི་ཚེས་བཅོ་ལྔའི། ཞིབ་རྩིས་རིམ་བཞིན་བཀོད་པ་ལ།

༡༣༽ ༣  ༤  ༢༠  ༢༦

༥༦  ༨  ༢༣  ༣༢

༥༩  ༤༦  ༤༦  ༣༣

༡  ༥  ༠  ༠

༢༩  ༡༩  ༤༨  ༠

༦༡༢

༡༤༽ ༤  ༥  ༢༠  ༢༥  ལྷག

༥༩  ༢  ༢༦  ༢༨

༥༩  ༧  ༧  ༡༥

༥  ༥  ༥  ༤

༦༦  ༣༦  ༣༠  ༦༦

༧༠༧

༡༤༽ ༥  ༦  ༢༠  ༢༦

༡  ༣  ༢༨  ༣༡

༡༤  ༥  ༡༩  ༢༤

༣  ༠  ༤  ༥

༢༡  ༦༠  ༡༤  ༧

༢༧

 

༡༥༽   ༦  ༦  ༢༠  ༠

༥  ༥༧  ༣༢  ༣༠

༢  ༢༣  ༥༣  ༡༦

༥  ༢  ༡  ༤

༡༢  ༣༥  ༤༧  ༡༥

༦༣༥

གཞན་སྡེའི་ཕུག་ལུགས་གྲུབ་རྩིས་ཀྱི། འབྱུང་ལྡན་དང་པོ་ཤིང་བྱི་ཡི། དཔྱིད་ར་རྒྱལ་ཟླའི་ཚེས་བཅོ་ལྔའི། ཉིན་རྩིས་རིམ་བཞིན་བཀོད་པ་ལ།

༡༤༽ ༤  ༤  ༡༩  ༢༤

༥༩  ༢༦  ༥༠  ༡༧

༣༥  ༥༡  ༢༧  ༡༨

༢  ༣  ༠  ༣

༥༨  ༢༢  ༡༣  ༣༥

༢༩༩

 ༡༥༽ ༥  ༥  ༡༩  ༢༥  ༼ལྷག༽

༦༠  ༢༢  ༥༢  ༡༥

༠  ༤༣  ༤༣  ༢༧

༠  ༤  ༤  ༢

༠  ༢༩  ༢༩  ༥༨

༡༥༽ ༦  ༦  ༡༩  ༢༩

༣  ༢༡  ༥༥  ༡༦

༥༠  ༩  ༠  ༡༠

༣  ༥  ༢  ༡

༤༠  ༥  ༤༥  ༥༠

༢༩༩

༡༦༽ ༠  ༧  ༡༩  ༠

༨  ༡༥  ༥༩  ༡༥

༥  ༢༨  ༣༤  ༢

༤  ༡  ༠  ༡

༤༧  ༣༡  ༡༢  ༤༣

༦༦༡  ༤༦  ༤༦

འདི་ལྟར་མདོ་དོན་རིག་ལམ་གྱིས། ། བསྒྲུབས་ནས་བཀོད་པའི་ལག་རྗེས་འདི། །རྣམ་དཔྱོད་ལྡན་ལ་མཆོད་སྤྲིན་འབུལ། །རྨོངས་ཆེན་མགྲིན་བཟང་སྒྲ་འཛིན་དུ། །གསེར་དང་ཐལ་རྡུལ་ཁྱད་ཅི་ཤེས། །འདི་སོགས་རིགས་པའི་ཚུལ་རྣམས་ཀྱིས། །རྒྱལ་ཟླ་དཔྱིད་ར་ཡིན་པ་དང་། །མདོ་རྒྱུད་ཚད་མ་ཡིན་པ་སོགས། །མིག་སྔར་གསལ་བར་བསྟན་པས་ན། །རྣམ་པར་དཔྱོད་པའི་མིག་ལྡོང་སྟེ། །རས་ཆོད་ཐོ་ཆོའི་འཁྱོལ་འགྲོས་ཀྱིས། །རྟ་ཟླ་སངས་རྒྱས་འཁྲུངས་དུས་ཀྱི། ། དུས་བཟང་དེ་རུ་མ་གཤེགས་ཨང་༌། །

༈ གཞན་ཡང་ཚོགས་འགྱུར་གྱི་ལུང་དོན་ལེགས་པར་བརྟགས་ན། སྟོན་པ་བྱོན་དུས་ནི་ལོ་བྱི་བ། ཟླ་བ་སྟག་ཅེས་པ་རྟ་པར་བྲིས་ནོར་སོང་བ་ཡིན་ཡང་སྲིད་དེ།བྱམས་མའི་དགྲ་སྐྱོབ་ཀྱི་གཟུངས་ལས། དཔྱིད་ཟླ་ར་བ་ས་ཕོ་སྟག་གི་ཚེས། གསུངས་པའི་ཕྱིར། དེ་མིན་ན་ཚོགས་འགྱུར་གྱི་ལུང་ལ་ནང་འགལ་ཡོད་པར་ཐལ། ཟླ་བ་དེའི་ཉ་སྐར་རྟ་པ་ཡིན་པ་དང༌། རྒྱལ་ཡིན་པ་གཉིས་ཡིན་པ་མི་སྲིད་པའི་ཕྱིར་དང༌། སྟོན་པ་བྱོན་དུས་རྒྱལ་གྱི་ཁོངས་སུ་བྱོན་པ་དང་། རྟ་པའི་ཁོངས་སུ་བྱོན་པ་གཉིས་མི་རུང་བའི་ཕྱིར། དེ་རུང་ན་སྟོན་པ་ཟླ་བ་དང་པོའི་ཉ་དང་། བཅུ་གཉིས་པའི་ཉ་གཉིས་ཀ་ལ་འཁྲུངས་པར་ཐལ། དེ་གཉིས་ཀ་དཔྱིད་ཟླ་ར་བའི་ཉ་རུ་ཁས་བླངས་པའི་ཕྱིར། དེར་ཐལ། དང་པོ་ཁྱེད་ཀྱིས་ཁས་བླངས། གཉིས་པ་ལུང་གི་དོན་ཡིན་པའི་ཕྱིར། དེར་ཐལ། སྒྲ་འགྲེལ་དང༌། མཛད་མདོ་གཉིས་ཀ་ལས་གསུངས་པ་སྔར་དྲངས་པའི་ཕྱིར། ཡང་ཚོགས་འགྱུར་གྱི་གཟེར་བུའི་ནང་དུ། ཆོ་འཕྲུལ་ཆེན་པོ་རྟ་པའི་ཟླ་བ་ལ་བྱ། བྱ་རྦོ་ཆུ་ཡི་ཟླ་བ་ལ་བྱ། དཔྱིད་ཟླ་ཐ་ཆུང་འབྲུག་གི་ཟླ་བ་ལ་བྱ། དེ་ཅིའི་ཕྱིར་ཞེ་ན། རྟ་པ་ལ་ཞང་ཞུང་སྟོང་རྒྱུང་མཐུ་ཆེན་གྲོངས་པའི་དུས་སུ། ཞེས་པ་ནས། ཆོ་འཕྲུལ་འབྲིང་བ་བྱ་བོ་ཆུ་ཡི་ཟླ་བ་ལ། སོགས་ནས། ཆོ་འཕྲུལ་ཆུང་བ་དཔྱིད་ཟླ་ཐ་ཆུང་ནི། ཞེས་དང༌། འདུལ་བ་ཀུན་འབྱུང་དབྱིངས་དག་ལས། ༼ཁ་༣༣༽དུས་འགྱུར་ནི་ལོ་སྟག་སྤྲེལ་བརྒྱ་འགྱུར། ཟླ་བ་ཆོ་འཕྲུལ་རྟ་རི་སྟོང་འགྱུར་ཞེས་སོགས་གསུངས་པས། ཟླ་བ་དང་པོར་རྟ་པ་ཟླ་བ་ལ་སྟོང་རྒྱུང་གྲོངས་པ་དང༌། ཆོ་འཕྲུལ་ཆེན་པོའི་དུས་ཡིན་པ་གསུངས་པ་མ་གཏོགས་སྟོན་པ་འཁྲུངས་དུས་དང་དཔྱིད་ར་ཡིན་པར་གསུངས་པ་མེད་པའི་ཕྱིར། རྟགས་མ་གྲུབ་སྟེ། ཆོ་འཕྲུལ་ཆུང་བ་དང་དཔྱིད་ཟླ་ཐ་ཆུང་ལྷན་དུ་གསུངས་པའི་ཕྱིར། དེས་ན་རྟ་པ་ཟླ་བ་དཔྱིད་ར་དང་སངས་རྒྱས་འཁྲུངས་དུས་ཡིན་དགོས་པའི་ཕྱིར། ཟེར་ན། འོ་ན་སློབ་དཔོན་དྲན་པའི་མཛོད་འགྲེལ་དང་། དྲང་འགྲེལ་ཚོགས་འགྱུར་གཉིས་ལ་ནང་འགལ་ཞུགས་པར་ཐལ། མཛོད་འགྲེལ་ལས། དཔྱིད་རའི་ཉ་སྐར་རྒྱལ་དང་། དྲང་འགྲེལ་ལས་དཔྱིད་རའི་ཉ་སྐར་རྟ་པར་བཞེད་པའི་ཕྱིར། རྟགས་ཁས། ཡང་ཁྱེད་རྣམ་པས་སངས་རྒྱས་འཁྲུངས་དུས་རྟ་ཟླ་འདོད་ན། ཟླ་བ་དེའི་ཚེས་བཅོ་ལྔར་ཟླ་སྐར་རྟ་པ་ཁེལ་བའི་རྒྱུ་མཚན་གྱིས་རྟ་ཟླར་བརྗོད་པ་ཡིན་པ་གང་ཞིག་དེ་ལ་སངས་རྒྱས་འཁྲུངས་དུས་ངོས་བཟུང་ན། གཟི་བརྗིད་ཀྱི་སྐྱེ་བ་བཞེས་པའི་ལེའུ་ལས། སྐར་མའི་དམ་པ་རྒྱལ་གྱི་རུ་གོང་དུ་གཤེགས་པ་ནི། བདུད་བཞི་དབང་དུ་བསྡུས་ཏེ་རྒྱལ་བ་དང༌། འཇིག་རྟེན་ཟིལ་གྱིས་གནོན་པའི་ཕྱིར་རོ། །ཞེས་གསུངས་པ་དང་འགལ་ལོ། །འགལ་ཚུལ་གོང་དུ་བཤད་པ་ལ་དཔག་ནས། རྟོགས་ནུས་པའི་ཕྱིར། འོ་ན་ཁྱོད་རང་ཚོགས་འགྱུར་གྱི་ལུང་དེ་ཅི་ལྟར་འགྲེལ་རྒྱུ་ཡིན་ཟེར་ན། ལུང་དེར་ཆོ་འཕྲུལ་ཟླ་བ་གསུམ་གྱི་རྣམ་བཞག་བཤད་པ་ལས། སངས་རྒྱས་འཁྲུངས་དུས་དང་དཔྱིད་ཟླ་སོགས་མ་བཤད་དོ། །ཁོ་ན་རེ། དེ་མ་བཤད་པ་མི་འཐད་དེ། དཔྱིད་ཟླ་ཐ་ཆུང་ཞེས་དངོས་སུ་ཚིག་ཟིན་ལ་བསྟན་པའི་ཕྱིར། ཟེར་ན། དེ་ལྟར་རང་རེའི་མིག་ལམ་དུ་ཡོད་པའི་དཔེ་ལ་དེ་ལྟར་འདུག་ཀྱང་འདི་ཡིག་སྐྱོན་མ་གཏོགས་གཞུང་དོན་མ་ཡིན་ཏེ། ཆོ་འཕྲུལ་ཟླ་བ་སྔ་མ་གཉིས་སུ་ནམ་ཟླ་མ་བསྟན་པར་ཉ་སྐར་གྱི་མིང་གིས་བསྟན་བཞིན་པའི་མོད་ལ་གློ་བུར་དུ་ནམ་ཟླ་མ་གཏོགས་ཉ་སྐར་མི་སྟོན་པའི་རྒྱུ་མཚན་སུས་ཀྱང་མི་རྙེད་པས། ཆོ་འཕྲུལ་ཆུང་བ་ནག་པ་ཟླ་བ་བྱ། ཞེས་སྨྲ་དགོས་སོ། །དེས་ན་ལུང་ཚིག་ཐ་མ་ལ་འབྲི་སྐྱོན་ཞུགས་པར་འདོད་པ་དང་། ཚོགས་འགྱུར་གྱི་ལུང་ལྟར། སྟོན་པ་འཁྲུངས་དུས། ཟླ་བ་རྟ་པ་དང༌། ཞེས་པ་ཟླ་བ་སྟག་དང༌། ཞེས་སྨྲ་དགོས་ཏེ། སངས་རྒྱས་ཀྱི་འཁྲུངས་ཟླ་དཔྱིད་ཟླ་ར་བ་ཡིན་དགོས་པ་གང་ཞིག་ཟླ་བ་དེ་སྟག་ཟླ་ཡིན་དགོས་ཏེ། རྗེ་བཙུན་ཁྲོ་ཚང་གི་གཏེར་མ་བྱམས་མའི་གཟུངས་ལས། དཔྱིད་ཟླ་ར་བ་ས་ཕོ་སྟག་གི་ཚེས་གཅིག ཅེས་གསུངས་པའི་ཕྱིར། འདི་ལྟར་ཁས་མི་ལེན་ན་རང་གི་ལུང་ཐམས་ཅད་ཀྱི་དོན་འགལ་འདུའི་ཕུང་པོ་ཅན་དུ་བཟུང་ནས། ངའི་སངས་རྒྱས་འཁྲུངས་དུས་གྲོང་གསེབ་ཀྱི་རྒད་པོའི་ལུགས་སྲོལ་ཧོར་ཟླ་དང་པོ་འདི་ལ་བྱེད་པས་ངས་དེ་མི་འདོར་ཞེས་ཁས་བླངས་ན་མ་གཏོགས་སྒྲུབ་བྱེད་མེད་པ་ཐག་ཆོད་དོ། །ད་ཕྱིན་རྣམ་དཔྱོད་ཅན་རྒྱལ་བསྟན་ལ་ཤ་ཚ་མཁན་ཡོད་ན་སངས་རྒྱས་ཀྱི་འཁྲུངས་དུས་དང་སངས་རྒྱས་ཀྱི་སྐུ་ཡི་ཆ་བྱད་བཅས་པ་རང་གི་ལུང་ཁུངས་མ་དང་གོ་བསྡུར་ནས་ཡིད་དུ་ངེས་པར་བྱེད་པའི་སྐྱབས་འཇུག་ཡོད་པར་ཞུ། གཞན་ཡང་ཁ་ཅིག་གིས་རྫོགས་པའི་སངས་རྒྱས་ལོ་ཡི་མཇུག་ཟླ་བ་བཅུ་གཉིས་པ་ཡིན་པས། འདིར་མི་འཁྲུངས་སོ་ཞེས་པའང་འདུག་སྟེ། དེ་ལྟ་བུའི་ལོ་ཡི་མཇུག་དེ་རང་གི་ལོག་བློས་བཏགས་པ་ཙམ་ཡིན་གྱི། ཟླ་བ་བཅུ་གཉིས་པ་ལ་དུས་འཁོར་གསོ་དཔྱད་རྒྱ་རྩིས་ཧོར་བོད་སོགས་ཀྱིས་དགུན་ཟླ་ཐ་ཆུང་། སྐར་རྩིས་རྒྱ་གར་སོགས་ཀྱིས་དགུན་ཟླ་འབྲིང་པོ། རྒྱུད་སྡེ་འགའ་དང༌། ནག་རྩིས་འཐོར་བུ་བ་ཁ་ཅིག་གིས་ལོ་འགོ་ཡིན་པར་འདོད་པ་དང༌། འབྱུང་རྩིས་པས་དཔྱིད་ཟླ་འབྲིང་པོར་འདོད་པ་སོགས་ཡོད་པས་ཕན་ཚུན་གཅིག་གིས་གཅིག་ལ་འགོག་པར་བྱེད་མི་ནུས་པའི་ཕྱིར། ཟླ་བ་དང་པོ་ལ་ཡང་། དུས་འཁོར་གསོ་དཔྱད། རྒྱ་རྩིས་ཧོར་ཞེས་པ་འདི་ནི་སོག་པོ་ལ་བརྗོད། བོད་སོགས་ཀྱིས་དཔྱིད་ར་དང་། སྐར་རྩིས་རྒྱ་གར་སོགས་ཀྱིས་དགུན་ཐ། འབྱུང་རྩིས་དཔྱིད་ཐ་སོགས་འདོད་པས་ངན་རྟོག་གིས་མཐའ་གཅིག་ཏུ་ལོ་མཇུག་ཏུ་བཟུང་བ་དང་དེར་སངས་རྒྱས་མི་འཁྲུངས་པ་སོགས་འདོད་པ་ནི་རྒྱུ་མཚན་ཆུང་ངོ༌། །ཡང་ཁྱུང་སྤྲུལ་རིན་པོ་ཆེས་དུས་སྦྱོར་དང་བསྟུན་ཏེ་རྒྱལ་གྱི་རྐང་པ་དང་པོ་ལ་སངས་རྒྱས་འཁྲུངས་པས་རྒྱལ་གྱི་རུ་བ་གོང་མ་ལ་འཁྲུངས་ཞེས་བསྟུན་པར་མཛད་འདུག་མོད་ཀྱང་། དེ་ཡང་རྒྱུ་མཚན་ཆུང་སྟེ། མདོ་ཡི་ལུང་གིས་དངོས་སུ་ཟླ་བའི་ཉ་སྐར་རྒྱལ་ལ་བཤད་པ་མཛད་པ་མ་གཏོགས་དུས་སྦྱོར་དང་བསྟུན་པའི་ཚུལ་སོགས་ཀྱིས་བཤད་པ་མིན། འོན་ཀྱང་ཟླ་བའི་ཉ་སྐར་རྟ་པ་ཡིན་ཚེ་དེ་ལ་སངས་རྒྱས་འཁྲུངས་དགོས་པའི་རྒྱུ་མཚན་རྒྱལ་ལ་མཛད་པ་བཞིན་ཅིའི་ཕྱིར་མ་མཛད་པའི་རྒྱུ་མཚན་དེ་ཡང་སྨྲ་དགོས་སོ། །འདི་ལྟ་བུའི་རྒྱུ་མཚན་ལ་གཟིགས་ཏེ་གཤེན་གྱི་མཁས་གྲུབ་ཤི་ལ་དྷྭ་ཛ་དང༌། ཡོངས་འཛིན་ཚུལ་ཁྲིམས་རྒྱལ་མཚན་སོགས་ཀྱིས་ཀྱང་ནན་གྱིས་ལུང་འདི་རྣམས་ཀྱི་དོན་བསྒྲུབས་པའི་ཕྱིར་རོ། །དེ་ལྟར་ན་འདས་མཆོད་ཟླ་བ་དགུ་པའི་གནམ་གང་དུ་འབེབས་པའི་ཕྱིར། ཞེས་སོ།། །།

ཁྱུང་ཁྲི་ལྡེས་མཐུན་སྦྱོར་ཞུས།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།