གདན་ས་ཁྲི་བརྟན་ནོར་བུའི་རྩེ་ནས་རིན་མེད་བརྟག་དཔྱད་དང་སྨན་སྦྱིན་གྱི་བྱེད་སྒོ་སྤེལ་བ།

0
593

གཡུང་དྲུང་བོན་གྱི་གདན་ས་ཆེན་མོ་༧དཔལ་ལྡན་ཁྲི་བརྟན་ནོར་བུའི་རྩེ་ནས་ལོ་བསྟར་སྤྱི་ཚོགས་ཞབས་ཞུའི་ལས་དོན་འདྲ་མིན་སྤེལ་གྱི་ཡོད་པ་ལས། གལ་ཆེ་བ་གཅིག་ནི་ནད་གཞི་སྔོན་འགོག་དང་སྨན་བཅོས་ལས་འགུལ་དེ་ཡིན་པར་སོང་། འདི་གའི་འཕྲོད་བསྟེན་སྡེ་ཚན་གྱི་འགན་འཛིན་ལགས་ཀྱིས་དབུ་ཁྲིད་དེ་ཕྱི་ལུགས་ཀྱི་སྨན་པ་གདན་འདྲེན་ཞུ་ནས་དགེ་འདུན་པ་དང་མི་མང་ཚོར་རིན་མེད་ཐོག་ན་ཚ་བརྟག་དཔྱད་གནང་ཞིང་ནད་གཞི་སྔོན་འགོག་དང་ནད་པ་རྣམས་ལ་སྨན་སྦྱིན་ཞུ་བའི་ལས་གཞི་སྤེལ་གྱི་ཡོད། འདི་ལོའི་ ༢༠༡༨ ཕྱི་ཟླ་ ༠༡ ཚེས་ ༢༧ ཉིན་ཌོག་ཊོར་ རེ་ཌི་སུའི་ (Dr.Reddys clinic) སྒོ་བསྟེན་སྨན་ཁང་དང་།

ཨིན་ཊར་ནཱེ་ཤོན་ནལ་གྷ་རཱན་ཌའི་(internationel.   Grande hospital)སྨན་ཁང་གཉིས་ནས་རྒྱབ་སྐྱོར་ཐོབ་པ་དང་སྦྲགས་༧དཔལ་ལྡན་ཁྲི་བརྟན་ནོར་བུའི་རྩེའི་འཕྲོད་བསྟེན་འགན་འཛིན་རྨ་རོང་ཚུལ་ཁྲིམས་རྒྱ་མཚོ་ལགས་ཀྱིས་དབུ་ཁྲིད་དེ་འཕྲོད་བསྟེན་སྡེ་ཚན་གྱིས་གོ་སྒྲིག་འོག་ཁྲི་བརྟན་ནོར་བུའི་རྩེའི་གཞི་རིམ་སྔོན་འགྲོའི་སློབ་གྲྭའི་ནང་གྷ་རཱན་ཌའི་སྨང་ཁང་ Grande hospital ནས་ཕྱི་ལུགས་ཀྱི་སྨན་པ་ལྔ་གདན་འདྲེན་ཞུས་པ་དང་།

དེ་བཞིན་བལ་བོད་མི་མང་མི་ཉུང་བ་ཞིག་ལ་སྐབས་འདིར་གཙོ་བོ་ཕོ་ནད་དང་མཆིན་ནད་གཙོས་ནད་གཞིའི་རིགས་ཡོད་མེད་བརྟག་དཔྱད་དང་ལྷན་དུ་སྨན་སྦྱིན་གནང་། བརྟག་དཔྱད་གནང་རྗེས་སྨན་པ་རྣམས་ལ་འཕྲོད་བསྟེན་འགན་འཛིན་གྱིས་ཐུགས་རྗེ་ལེགས་གསོལ་ཞུས་ཏེ་མགུལ་དར་སྒྲོན་པ་བཅས་རིན་མེད་བརྟག་དཔྱད་དང་སྨན་སྦྱིན་གྱི་མཛད་སྒོ་མཇུག་གྲུབ་པ་བཅས་ཀྱི་གནས་བསྡུས་སུ་ཁྱུང་ཁྲི་ལྡེ་ནས་ ༢༠༡༨ ཕྱི་ཟླ་ ༠༡ ཚེས་ ༢༧ ཉིན་སྤེལ།། །།

པར་པ། ཁྱུང་ཁྲི་ལྡེ། དཔལ་གྱི་དབང་ཕྱུག

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།