དཔལ་ལྡན་ཁྲི་བརྟན་ནོར་རྩེའི་མཉམ་མེད་དུས་ཆེན།

0
2271
པར་པ་ཚུལ་ཁྲིམས་དྲི་མེད།

ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་སྲིད་གསུམ་འགྲོ་བའི་མགོན་པོ་༸རྗེ་མཁས་གྲུབ་སྤྱན་གཅིག་པ་མཉམ་མེད་ཤེས་རབ་རྒྱལ་མཚན་མཆོག་མདོ་ཁམས་རྒྱལ་མོ་རོང་གི་ས་ཡི་ཆར་མཚན་དཔེའི་དཀྱིལ་འཁོར་མངོན་པར་བཞད་ནས་མི་༦༦༠འཁོར་བའི་དུས་ཆེན་དང་བསྟུན། འདི་ག་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེ་ནས་དུས་ཆེན་ཁྱད་པར་ཅན་དེ་ཉིད་སྲུང་བརྩི་ཟབ་རྒྱས་ཞུས་པའི་མཛད་རིམ་ནི། ཧོར་ཟླ་༡།ཚེས༣།ཉིན་གཙུག་ལག་ཁང་དུ་མཆོད་རྫས་བཤམ་བཀོད་ཀྱི་རིམ་པ་གྲུབ་པར་བྱས། ཚེས་༤ཉིན་སྐྱབས་རྗེ་སྒྲུབ་གྲྭའི་མཁན་རིན་པོ་ཆེ་དབུ་བཞུགས་ཐོག་བསླབ་གསུམ་འདུས་སྡེ་རྒྱ་མཚོས་མདོ་གཡུང་དྲུང་ཀློང་རྒྱས་ཀྱི་དཀྱིལ་འཁོར་ཞལ་ཕྱེས་ཏེ་ཕྱོགས་བཅུའི་བདེ་བར་གཤེགས་པ་མཚན་བརྗོད་པ་དང་། བརྗོད་ཀྱིས་མི་ལོངས་བ་རྣམས་ལ་དངོས་འབྱོར་ཡིད་སྤུལ་གྱི་མཆོད་སྤྲིན་ཕུན་སུམ་ཚོགས་པ་འབུལ་བར་བརྩོན།

23ཚེས་༥ཉིན་གྱི་ཕྱག་ཚོད༩་ཐོག་ལྷ་སྡེ་མི་མང་མཉམ་འཛོམས་ཐོག་མཉམ་མེད་སྐུ་བརྙན་རིན་པོ་ཆེ་གདན་དྲངས་ནས་སེར་ཕྲེང་ཕེབས་པ་དང་། རྣམ་དག་འདུལ་བའི་གསོ་སྦྱོང་འཚོགས་ནས་མཆོད་རྔ་ཆེན་མོ་བརྡུངས། བསང་གསོལ་ཀླུང་རྟས་བསྒྲོན་ཏེ་བཀྲ་ཤིས་ཕྱེ་མར་མཆོད། འཆད་རྩོད་ཀྱི་བོན་དབྱངས་སྒྲོགས་ནས་བསྟན་པ་རྒྱས་པའི་སྨོན་ལམ་གྱེར། རྗེ་རིན་པོ་ཆེའི་རྣམ་ཐར་བཀླགས་ཏེ་ངོ་མཚར་མཛད་པ་རྗེས་དྲན་ཞུས། བྱིན་རླབས་གོང་མའི་ཕྱག་སྲོལ་ཐུགས་དམ་བཅའ་ཡིག་རིན་པོ་ཆེ་བསྒྲགས། ཨ་སྙན་རྫོགས་གསུམ་གྱི་སྔོན་འགྲོ་དབྱངས་ནས་བརྒྱུད་པའི་བླ་མའི་བྱིན་རླབས་སེམས་ལ་བསྟིམས། གསལ་བ་འོད་ཀྱི་མཆོད་པ་གཙུག་ལག་ཁང་གི་ཕྱི་ནང་ཡོངས་སུ་བལྟམས། 4te5རྔ་གཤང་རོལ་མོའི་བྱེ་བྲག་ཕྱོགས་མཚམས་ཀུན་ཏུ་འུར། དྲི་ཞིམ་སྤོས་ཀྱི་དུད་པས་ཁོར་ཡུག་ཁྱབ་པར་བྱས། མཉམ་མེད་སྐུ་བརྙན་རིན་པོ་ཆེ་ལ་སྐྱ་སེར་ཡོངས་ཀྱིས་མཇལ་དར་ཕུལ་ནས་ལུས་ཀྱི་བསྐོར་ཕྱག་དང་། ངག་གི་བཟླས་དབྱངས། ཡིད་ཀྱི་དད་མོས་བསྐྱེད་དེ་སྒོ་གསུམ་འཇུག་སྒོ་བོན་ལ་བསྲེས་ནས་དུས་ཆེན་ཁྱད་པར་དེ་ཉིད་སྲུང་བརྩི་ཞུ་བཞིན་ཡོད་པ་བཅས་ཀྱི་གནས་བསྡུས་སུ་ཏི་སེའི་བུ་ནས༢༠༡༦། ༢། ༡༣ཉིན་སྤེལ།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།