࿉སྐབས་༢༢པའི་བཤད་སྒྲུབ་འདུས་སྡེའི་ལོ་འཁོར་རྒྱུགས་སྤྲོད་ཆེན་མོའི་སྐོར་གྱི་གནས་ཕྲིན།

0
1687
དགེ་རྒན་ལྷན་ཚོགས་དང་སྐབས་༢༢་པའི་བཤད་སྒྲུབ་འདུས་སྡེའི་ལས་བྱེད་རྣམ་པ།

༄༅།། བཤད་སྒྲུབ་བསྟན་པའི་འབྱུང་གནས་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེའི་ཆེས་མཐོའི་གཙུག་ལག་སློབ་གཉེར་ཁང་གི་སློབ་གཉེར་བ་རྣམས་ཀྱིས་འཆད་སྦྱོང་གི་བགྲོ་གླེང་དང་། རྩོད་སྦྱོང་གི་འཆད་ར་དང་དམ་བཅའ། རྩོམ་སྦྱོང་གི་རྨང་གཞི་བརྡ་དག་སྙན་གསུམ་སྟེ་འཆད་རྩོད་རྩོམ་པའི་སྒོ་ནས་ཤེས་བྱའི་གནས་ལ་འབད་དེ་མཐར་ལོ་འཁོར་རྒྱུགས་སྤྲོད་ཆེན་མོ་གཏོང་བ་ནི། སློབ་གཉེར་བའི་ལོ་རེའི་སྦྱོང་བརྩོན་གྱི་གྲུབ་འབྲས་ཡོངས་སུ་བསྡོམས་ནས་མིག་སྔར་སྟོན་པ་དང་། སློབ་སྦྱོང་ཡར་སྐུལ་གྱི་ཤུགས་སྣོན་འཕར་མ་སྐྱེད་བྱེད་ཅིག་ཡིན་པས། སྐབས་བབ་ཀྱི་རྩ་གཞུང་ཁག་དང་། བརྡ་དག་སྙན་གསུམ།  སྨན་རྩིས་དཀྱིལ་འཁོར། སྒྲ་དང་བཟོ་རིག་སོགས་རིག་གནས་ཁག་འཛིན་གྲྭ་སོ་སོའི་སྐབས་དང་བསྟུན་ནས་རྒྱུགས་སྤྲོད་བྱེད་ཀྱི་ཡོད་པ་མ་ཟད།

IMG_8661 IMG_5516ལྷག་པར་དུ་གཞུང་ཆེན་མདོ་སྔགས་རྫོགས་གསུམ་གྱི་ཚིག་དོན་དཀའ་བའི་གནད་རྣམས་ཆེད་དམིགས་ཀྱིས་དོ་སྣང་འབྱུང་ཕྱིར་ལོ་ལྟར་ཡིག་རྒྱུགས་དང་རྩོད་རྒྱུགས་གཉིས་སློབ་གཉེར་བ་ཡོངས་རྫོགས་སྟབས་གཅིག་ཏུ་འཛོམས་ནས་སྔ་རྗེས་སུ་གཏོང་སྲོལ་ཡོད་པས། སྤྱི་ལོ་༢༠༡༦། ༨། ༣༡། བོད་མེ་སྤྲེལ་ལོའི་ཟླ་༦། ཚེས་༢༩། རེས་གཟའ་ལྷག་པ་ཉིན་སྔ་དྲོའི་ཆུ་ཚོད༧ནས་ལོ་འཁོར་བྲིས་རྒྱུགས་བཏང་བ་དང་།

སྤྱི་ལོ་༢༠༡༧། ༡། ༢༤། བོད་མེ་སྤྲེལ་ལོའི་ཟླ་བ་༡༡། ཚེས༢༧། རེས་གཟའ་ཟླ་བ་ཉིན་གྱི་ཕྱག་ཚོད་༩ཐོག་འདི་ལོའི་རྩོད་རྒྱུགས་འགོ་བཙུགས་ཏེ། ད་ལན་རྒྱུགས་སྤྲོད་ཀྱི་མགོན་དུ་ཕེབས་པའི་༸སྐྱབས་རྗེ་མཁན་རིན་པོ་ཆེ་དང་། དཔོན་སློབ་རིན་པོ་ཆེ་དང་། སྒྲུབ་གྲྭའི་མཁན་རིན་པོ་ཆེ། བཤད་སྒྲུབ་མཁན་སློབ་རྣམ་གཉིས། གཤེན་བསྟན་དར་རྒྱས་གླིང་གི་མཁན་རིན་པོ་ཆེ། རྩ་གཞུང་འཛིན་པའི་སློབ་དཔོན་རྣམ་པ། དགེ་བའི་བཤེས་གཉེན་རྣམ་པ་བཅས་རྒྱུགས་དཔང་དུ་བཞུག་ཐོག་རྒྱུགས་སྤྲོད་དོ་དམ་ལྷན་ཚོགས་ཀྱི་སྟངས་འཛིན་འོག  བཀའ་རམས་འཛིན་གྲྭའི་སློབ་གཉེར་རྣམ་པ་རེས་མོས་ཀྱི་དམ་བཅའ་བཞུགས་ཏེ། རྒྱུགས་ལེན་དཔྱད་འདེམས་པ་དགེ་རྒན་ལྷན་ཚོགས་ནས་བཞག་པའི་འཛིན་གྲྭ་སོ་སོའི་ལོ་རེའི་སྦྱང་ཚན་དང་འབྲེལ་བའི་གལ་གནད་ཅན་གྱི་རྟགས་གསལ་རྒྱན་ཤོག་འཐེན་ནས་རྩོད་དགོས།

_DSC7190 _DSC7259  དེ་ཡང་རྩོད་པ་སྐབས་བབ་ཀྱི་དོན་གནད་དང་འབྲེལ་མིན་དང་། ལུང་ཚིག་བསྐྱོར་སྟངས། ལུང་འདྲེན་སྟངས་སོགས་ཕྱོགས་ཡོངས་ལ་གཞིགས་ནས་ཨང་ཀི་སྤྲོད་པ་རེད།

རྒྱུགས་འཕྲོད་པ་ལ་བརྒྱ་ཆ་༤༠ལོན་དགོས། སྔ་དྲོ་ཕྱག་ཚོད་༩ནས་༡༡བར། ཕྱི་དྲོ་༢ནས་༣བར། ༣།༠ནས་༥། བར་རྒྱུགས་སྤྲོད་དགོས་པ་བཅས། _DSC7114 _DSC7672ཁྱོན་ཉིན་གསུམ་གྱི་རིང་ལ་རྒྱུགས་འབུལ་ཞུས་ནས་མཐར་དཔོན་སློབ་ཚངས་པ་རིན་པོ་ཆེ་མཆོག་གིས་རྒྱུགས་སྤྲོད་དང་འབྲེལ་བའི་བཀའ་སློབ་གནང་རྗེས་སུ་ཕྱི་དྲོའི་ཕྱག་་ཚོད་༣།ཐོག་ལོ་འཁོར་རྩོད་རྒྱུགས་ཆེན་མོ་དེ་ཉིད་མཇུག་ལེགས་པར་གྲུབ་པའི་གནས་ཕྲིན་དུ་ཏི་སེའི་བུ་ནས་༢༠༡༧། ༡། ༢༦ཉིན་སྤེལ།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།