ཐེངས་དང་པོའི་བོན་སྡེ་ལྷན་འཛོམས་སྤྲོ་ཚོགས་སྐོར་གྱི་གསར་གནས།

0
3435

༄༅། ༢༠༡༧། ༡། ༢༨། རེས་གཟའ་སྤེན་པ་ཉིན་གྱི་ཕྱག་ཚོད་ ༩ པའི་ཐོག་དཔལ་ལྡན་ཁྲི་བརྟན་ནོར་བུ་རྩེའི་གཞི་རིམ་སློབ་གྲྭའི་རྩེད་ཐང་གི་གུར་ཆེན་ནང་དུ་གདན་ས་ཁྲི་བརྟན་ནོར་བུ་རྩེའི་མཁན་སློབ་དགེ་བཤེས་རྣམ་པ་དབུས་པའི་སྐྱབས་གནས་དགེ་འདུན་གྱི་སྡེ་དང་། བལ་ཡུལ་བོན་པོ་ཚོགས་པའི་ཚོགས་མི་རྣམ་པ་གཙོས་པའི་ཚོགས་སྡེ་ཁག་གི་གནད་ཡོད་མི་སྣ་རྣམ་པ། བལ་ཡུལ་རྒྱལ་ཁོང་གི་བོན་གྱི་ལྷ་སྡེ་མི་མང་གཙོས་པའི་ས་གནས་ཁག་ནས་ཕེབས་པའི་མི་མང་བདུན་བརྒྱ་ལྷག་རང་མོས་དང་ལེན་གྱིས་མཉམ་དུ་འཛོམས་ཏེ། འབྲེལ་མཐུད་པ་དགེ་བཤེས་བཤད་སྒྲུབ་རྒྱ་མཚོ་ལགས་ནས་མཛད་རིམ་ངོ་སྤྲོད་གནང་བ་དང་འབྲེལ།

བོན་སྡེ༢༠ བོན་སྡེ༩ཐོག་མར་འདུས་ཚོགས་ཀུན་གྱིས་བསང་གསོལ་ལྷ་རྒྱལ་གྱེར་ཞིང་གཡུང་དྲུང་བོན་གྱི་སྲིད་པའི་བརྡ་དར་ཆེན་མོ་དགུང་དུ་བསྒྲེངས་ནས་བཀྲ་ཤིས་འབྲུ་བཅུད་མེ་ཏོག་དང་། བསང་མཆོད་ཀྱི་དུད་པས་ཁོར་ཡུག་ཀུན་ཁྱབ་པར་མཛད། དེ་ནས་༸སྐྱབས་རྗེ་མཁན་རིན་པོ་ཆེ་ལུང་རྟོགས་བསྟན་པ་གཡུང་དྲུང་མཆོག་ནས་བཀའ་སློབ་བཀའ་དྲིན་བསྐྱངས་པའི་བསྡུས་དོན་ལ། “དེང་གི་གཞོན་སྐྱེས་རྣམས་ས་ཕྱོགས་གང་སར་གྲམས་པའི་དབང་གིས། རང་གི་ཕ་མེས་ཀྱི་སྲོལ་རྒྱུན་རིག་གཞུང་བརླག་ཉེན་ཆེ་བས། དུས་ཚིགས་ཁྱད་པར་ཅན་དང་བསྟུན་ནས་མེས་པོས་བཞག་པའི་རང་རང་གི་ཆོས་དང་རིག་གཞུང་སྲུང་སྐྱོབས་དང་། ཆོས་ལུགས་གཅིག་པའི་མི་རྣམས་ཕན་ཚུན་འབྲེལ་འདྲིས་བྱུང་ཞིང་མཐུན་ལམ་རོགས་འདེགས་ཡོང་བའི་ཆེད་དུ་དམིགས་ནས་མཉམ་འཛོམས་ཀྱི་འབད་བརྩོན་གནང་བའི་སྐོར་སོགས།” ཚོགས་པའི་དགོས་དམིགས་འབྲེལ་བའི་བཀའ་སློབ་གནད་སྨིན་བསྩལ་བ་དང་། བོན་པོ་༢༣ བོན་སྡེ༡༣

དཔོན་སློབ་རིན་པོ་ཆེ་ཚངས་པ་བསྟན་འཛིན་མཆོག་ནས་ཱ”བོད་ཀྱི་ལོ་སར་སྔ་རྗེས་དུས་རྐྱེན་དབང་གིས་འགྱུར་ལྡོག་བྱུང་རིམ་གྱི་ལོ་རྒྱུས་སྐོར་”དང་འབྲེལ་བའི་བླང་དོར་གྱི་བཀའ་སློབ་དོན་ལྡན་གནང་། དེ་ནས་ཕྱག་ཚོད་ ༡༡ ཐོག་གླུ་གར་དང་རིག་རྩལ་འཁྲབ་སྟོན་འགོ་བཙུགས་ཏེ།

བོན་སྡེ2 བོན་ས་དསེ༡༨འབྲེལ་མཐུད་པ་ཁྱུང་ཐོག་རྒོད་དང་། སློབ་སྤྱི་བསམ་འགྲུབ་ཟུང་གིས་བལ་བོད་སྐད་གཉིས་ཐོག་ནས་ངོ་སྤྲོད་གནང་རིམ་བཞིན། བོན་གཞིས་སློབ་ཕྲུག་དང་། སྔར་སྲོལ་གསོ་རིག་འབུམ་བཞིའི་སློབ་གྲྭ དོལ་པོ་བྱི་ཅེར་སློབ་གྲྭ ཏ་པི་ཧྲི་ཙའི་སློབ་གྲྭ ཕྱྭ་ཀེང་ཙེའི་སློབ་གྲྭ་སོགས་སློབ་གྲྭ་ཁག་ནས་ཕེབས་པའི་སློབ་མ་ཚོས་གནའ་དེང་གི་གཞས་སྣ་དང་འཁྲབ་སྟོན་ཕུན་སུམ་ཚོགས་པ་གཟིགས་འབུལ་ཞུས། དེ་ནས་ཕྱག་ཚོད་ ༡༢ ཐོག་ཉིན་གུང་གི་གསོལ་ཚིག་རྒྱས་འབུལ་ཞུས་ནས།

བོན་སྡེ༡༧ བོན་སྡེ༡༤གཞོན་སྐྱེས་མི་ཉུང་བ་ཞིག་གིས་མུ་མཐུད་དེ་དང་ལེན་གྱིས་གཞས་བྲོ་གཟིགས་འབུལ་ཞུས་ནས་ཕྱི་དྲོ་ཆུ་ཚོད་ ༦ ཐོག་འབྲེལ་མཐུད་པས་མཇུག་བསྡུའི་གཏམ་བཤད་གནང་ཞིང་དགོང་ཟས་རོལ་རྗེས་སུ་སྤྲོ་སྐྱིད་ངང་ནས་མཛད་སྒོ་དེ་ཉིད་ལེགས་གྲུབ་བྱུང་བའི་གནས་ཕྲིན་དུ་ཏི་སེའི་བུས། ༢༠༡༧། ༡། ༢༨ ཉིན་སྤེལ།

བོན་སྡེ༣ bmbmkldjoihdo111 བོན་སྡེ༡༠ བོན་སྡེ༥

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།