གདན་ས་ཁྲི་བརྟན་ནོར་བུ་རྩེའི་སྔར་སྲོལ་གསོ་རིག་འབུམ་བཞི་སློབ་གྲྭའི་ལོ་ཕྱེད་རྒྱུགས་སྤྲོད།

0
536
པར་རིས་མཐུན་སྦྱོར་བ་དགེ་བཤེས་བདེན་གཉིས་བཤད་སྒྲུབ།

སློབ་གྲྭ་ཁག་ཏུ་སློབ་སྦྱོང་ཡར་རྒྱས་བསྐུལ་འདེད་ཀྱི་ཆེད་དུ་རྒྱུགས་སྤྲོད་བྱེད་སྲོལ་ཡོད་པ་བཞིན་འདི་གའི་སློབ་གླིང་ལའང་ལོ་རེ་བཞིན་རྒྱུགས་སྤྲོད་བྱེད་ཀྱི་ཡོད་པ་རེད།

དེའང་གསོ་རིག་སྐོར་བྲིས་རྒྱུགས་དང་ངག་རྒྱུགས། དེ་བཞིན་དུ་བརྡ་དག སྙན་ངག རྩིས་རིག རྒྱུན་ཤེས། རྒྱལ་རབས། བལ་སྐད་དང་དབྱིན་སྐད་བཅས་ཡིན་པ་རེད།

དམིགས་བསལ་དུ་འདི་ལོར་རྒྱལ་རབས་དགེ་རྒན་ཚུལ་ཁྲིམས་རབ་བརྟན་<དྲ་མིང་དུ་ཞང་ཚུལ་མི།>ལགས་ཀྱིས་ཡོངས་གྲགས་མིན་པའི་ཆེས་གནའ་བོའི་དུས་ཀྱི་སྨན་པ་མང་པོ་ཞིག་རྩལ་འདོན་བྱས་ཏེ་ངོ་སྤྲོད་བྱས་ཡོད་པ་སྟེ་དཔེར་ན་སྲིད་པ་ཡེ་སྨོན་རྒྱལ་པོའི་མཆོད་གནས་ཀྱི་སྨན་པ་སྨོན་བོན་ཡེ་སངས། སྲིད་པ་རྒན་རྒོན་གྱི་མཆོད་གནས་ཀྱི་སྨན་པ་ཕྱྭ་བོན་སྒམ་པོ། རྒྱལ་བུ་མཐིང་གེའི་མཆོད་གནས་ཀྱི་སྨན་པ་ལྡིས་པ་གྲ་རྣི། མིའུ་གདུང་དྲུག་གི་མཆོད་གནས་ཀྱི་སྨན་པ་དམུ་བོན་ཡེ་སྟོན། དེ་བཞིན་སྨན་པ་མུས་དཔལ་ཕྲོག་རོལ་དང། སྒམ་ལྷ་བོ་ལྷ་སྲས། གཙང་གཤེན་སྙལ་(སྙན་)ངག དམུ་ཙ་ཏྲ་ཧེ། གསེར་ཐོག་ལྕེ་འབྱམས། རྒྱ་ནག་ལེགས་ཏང་རྨང་པོ། སྤུ་རྒྱལ་ཨེ་ཤོ་ལེགས་ཀྱི་བློན་ཆེན་ཁུ་འཛི་ལྷ་བུ་མགོ་དཀར་སོགས་གསོ་རིག་དང་འབྲེལ་བའི་སྨན་པའི་མི་སྣ་དུ་མའི་ངོ་སྤྲོད་(བོད་གནའ་བོའི་གསོ་དཔྱད་མི་སྣ་ཁག་ཅིག་ངོ་སྤྲོད)ཅེས་པ་ཁོང་གིས་བྲིས་པའི་དཔྱད་རྩོམ་དེ་ཉིད་ལུང་རིག་ཟུང་གིས་སྒོ་ནས་འཆད་ཁྲིད་བྱས་ཡོད་པས་དེའི་སྐོར་ནས་རྒྱལ་རབས་ཡིག་ཚད་བཏངས།

དེ་ཡང་ཕྱི་ལོ་ ༢༠༡༨ ཟླ་ ༠༧ ཚེས ༠༥། ༠༧། ༠༨། ༠༩། ༡༠ བར་ཉིན་གྲངས་ལྔའི་རིང་ལ་གོང་གི་སློབ་ཚན་རྣམས་རྒྱུགས་སྤྲོད་ཕུལ་བའི་གནས་བསྡུས་སུ་ཁྱུང་ཐོག་རྒོད་ཀྱིས་ཕྱི་ལོ་ ༢༠༡༨ ཟླ་ ༠༧ ཚེས་ ༡༡ ཉིན་སྤེལ།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།