«རྗེས་དྲན་ཆེད་དེབ»ཀྱི་རྩོམ་ཡིག་བསྡུ་བའི་བརྡ་སྦྱོར།

0
70

༄༅། །རྒྱལ་ཁབ་ཕྱི་ནང་ན་བཞུགས་པའི་རིས་མེད་སྙུག་ཐོགས་པ་སྤྱི་དང་སྒོས་སུ་མགོན་པོ་གང་གི་བཀའ་གསུང་བདུད་རྩི་དྲོན་མོས་ཡུན་རིང་བསྐྱངས་མྱོང་བའི་དད་ལྡན་ཕོ་མོ་ཡོངས་ཀྱི་སྙན་ལམ་དུ་ཞུ་རྒྱུར།

ད་ལན་བདག་ཅག་གི་བཀའ་དྲིན་སུམ་ལྡན་གྱི་རྩ་བའི་བླ་མ། མདོ་སྔགས་རྫོགས་གསུམ་དང་བཅས་པར་གཞན་དྲིང་མི་འཇོག་པའི་མཁས་གྲུབ་དམ་པ། སྙིགས་དུས་ཀྱི་འདྲེན་པ་ཆེན་པོ་དོན་གྱི་སླད་དུ་མཚན་ནས་སྨྲས་ན། རྗེ་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་གང་ཉིད།སྐུ་ཚེའི་མཛད་པ་རེ་ཞིག་རྫོགས་ཏེ་དགོངས་པ་བོན་དབྱིངས་སུ་ཐིམ་པའི་སྐབས་འདིར། ངེད་རེབ་གོང་བོན་མང་དྲ་ཚིགས་ལས་སྒྲུབ་ཁང་གིས་བླ་མ་རིན་པོ་ཆེའི་གདན་ས་བོན་བརྒྱ་སྨན་རིའི་གླིང་གི་གྲྭ་བཙུན་འདུས་པ་སྤྱི་དང་། རེབ་གོང་བོན་མང་རིག་འཛིན་ཕུར་ཐོགས་ཡོངས་ལ་གྲོས་བསྡུར་གྱིས་རྩ་བའི་བླ་མ་རིན་པོ་ཆེའི་བཀའ་དྲིན་རྗེས་སུ་དྲན་པའི་༼ རྗེས་དྲན་ཆེད་དེབ ༽་ཅིག་གང་མྱུར་དུ་དཔར་སྐྲུན་བྱ་འཆར་ཡོད་པས། རྒྱ་ཆེའི་རྩོམ་པ་པོ་དང་དད་ལྡན་སློབ་འབངས་ཡོངས་ནས་དགོང་ཞག་ཞེ་དགུའི་ནང་འདིར་སོ་སོའི་རྩོམ་ཡིག་གང་ལེགས་རེ་ངེད་ལས་སྒྲུབ་ཁང་ལ་བསྐུར་གནང་ཡོད་པ་ཞུ་ཞུ།།

རྩོམ་བསྡུའི་ཆ་རྐྱེན་ནི།

༡ བརྗོད་བྱ་ངེས་པར་དུ་མགོན་པོ་གང་གི་མཛད་པ་འཕྲིན་ལས་དང་འབྲེལ་དགོས།

༢ ཡིག་གྲངས་དང་རྩོམ་ལུས་རྩོམ་སྟངས་ལ་ཚད་བཀག་ཅི་ཡང་མེད།

༣དེབ་གྲངས་དང་སྲབ་མཐུག་སོགས་ནི་རྩོམ་འབྱོར་བའི་གནས་ཚུལ་ལ་གཞིག་སྟེ་ཐག་གཅོད་རྩིས་ཡོད།

༤དེབ་འདི་རྒྱལ་ཁབ་ཀྱི་ཚད་ལྡན་དཔེ་སྐྲུན་ཁང་བརྒྱུད་ནས་དཔར་འཆར་ཡོད་པས་རྩོམ་འབྱོར་ཚད་ནང་དུ་འགོད་ཐུབ་པའི་ངེས་པ་མེད།

༥རྩོམ་ཡིག་གདམ་གསེས་དང་ཞུ་དག་གི་ལས་རིམ་ཁག་ནི་བླ་མ་དགེ་བའི་བཤེས་གཉེན་དག་ལ་གཏུག་ནས་བསྒྲུབ་ངེས་ཡིན་པ་བཅས་སོ།།

༦ སྤྱི་ཟླ་བཅུ་བའི་ཚེས་ལྔ་ཉིན་ནས་རྩོམ་ཡིག་བསྡུ་མཚམས་འཇོག་རྒྱུ་ཡིན་པས་དེ་བཞིན་དགོངས་བཞེས་མཛོད།

རྩོམ་ཡིག་བསྐུར་ཡུལ།            984103380@qq.com  tenzin4440@yahoo.com

ཞེས་རེབ་གོང་བོན་མང་དྲ་ཚིགས་ལས་སྒྲུབ་ཁང་གིས། ༢༠༡༨ ལོའི་ཟླ ༩ བའི་ཚེས ༡༡ ཉིན།

ཇི་ལྟར་བསྐུལ་བ་བཞིན་བརྒྱུད་འགོད་ཞུས།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།