ཐུགས་གསོའི་འཚམས་ཕྲིན།

0
343
མཁོ་གཏོང་བ་དྲུང་ཆེ་དགེ་བཤེས་ཤེས་རབ་གོང་འཕེལ།

གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེའི་འདུས་སྤྱི་ནས་ཆོས་རྒྱལ་ནམ་མཁའི་ནོར་བུ་རིན་པོ་ཆེ་སྐུ་གཤེགས་པར་མྱ་ངན་གུས་འདུད་དང་བཅས་ཐུགས་གསོའི་འཚམས་འཕྲིན་ཕུལ་བ།

ཐུགས་གསོའི་འཚམས་འཕྲིན།

ཕྱི་ལོ་ ༢༠༡༨/༠༩/༢༧ དགོང་མོའི་ཡུལ་དེའི་ཆུ་ཚོད་དགུ་དང་སྐར་མ་བཅུའི་ཐོག་མཁས་པའི་དབང་པོ་ཆོས་རྒྱལ་ནམ་མཁའི་ནོར་བུ་རིན་པོ་ཆེ་མཆོག ནུབ་ཕྱོགས་ཡུ་རོབ་ཀྱི་རྒྱལ་ཁབ་ཨི་ཊ་ལིར་ཡོད་པའི་ཁོང་གི་གདན་ས་མེ་རི་སྒར་དུ་ཐུགས་དམ་གཡོ་བ་མེད་པའི་ངང་ནས་མི་རྟག་ཚུལ་བསྟན་དགོངས་པ་བོན་དབྱིངས་སུ་ཐིམ་སོང་བའི་ཡིད་སྐྱོ་བའི་གནས་ཚུལ་ཐོས་མ་ཐག་ཡིད་གདུང་དྲག་པོའི་ངང་ནས། འདི་ག་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུ་རྩེའི་བླ་གྲྭ་འདུས་མང་ཡོངས་ནས་མྱ་ངན་གུས་འདུད་ཞུ་བཞིན་ཡོད། ལྷག་པར་གཞིས་ལུས་ནང་མི་ཡོངས་དང་དད་འབངས་འཁོར་ཚོགས་ལྟོས་བཅས་ཡོངས་ལ་འདི་ག་གྲྭ་ཚང་དང་འདུས་མང་ཡོངས་ནས་གདུང་སེམས་མཉམ་བསྐྱེད་ངང་ཐུགས་གསོའི་འཚམས་འདྲི་ཞུ་རྒྱུ་དང་། སྐྱེས་ཆེན་དམ་པ་ཁོང་གི་རིས་མེད་སངས་རྒྱས་ཀྱི་བསྟན་པ་སྤྱི་དང་། ལྷག་དོན་དུ་ཐུན་མིན་བོད་ཀྱི་རིག་གནས་དང་རིག་གཞུང་འཛིན་སྐྱོང་སྤེལ་གསུམ་གྱི་རླབས་ཆེན་གྱི་མཛད་བཟང་ཁག་ལ་བཀའ་དྲིན་རྗེས་དྲན་གྱི་སྒོ་ནས། དམ་པ་ཁོང་གི་ཐུགས་དགོངས་ཟབ་མོ་རྣམས་གེགས་མེད་ཡིད་བཞིན་དུ་འགྲུབ་པའི་སྨོན་ལམ་དང་བཅས།

དཔལ་ལྡན་ཁྲི་བརྟན་ནོར་རྩེའི་གྲྭ་ཚང་ཡིག་ཚང་ནས།
༢༠༡༨/༠༩/༢༧ཉིན་ཕུལ།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།