༸གདན་ས་ཁྲི་བརྟན་ནོར་བུའི་རྩེ་ནས་བླ་ཆེན་དྲན་པའི་འབུམ་ཚོགས་ཆེན་མོ་འབུལ་བཞིན་པ།

0
322
པར་པ་ཏི་སེའི་བུ།

སངས་རྒྱས་བསྟན་པའི་མངའ་བདག་རྫུ་འཕྲུལ་ཞབས་ཀྱིས་བཅག་པའི་གནས་མཆོག་འཕགས་པ་ཤིང་ཀུན་ཏུ་གནས་ཆགས་པའི་གཡུང་དྲུང་བོན་གྱི་གདན་ས་ཆེན་མོ་༸དཔལ་ལྡན་ཁྲི་བརྟན་ནོར་བུའི་རྩེའི་འདུས་སྤྱི་ནས། འཇིག་རྟེན་ཕན་བདེའི་གཞི་རྩ་སངས་རྒྱས་ཀྱི་བསྟན་པ་རིན་པོ་ཆེ་དར་རྒྱས་ཡུན་དུ་བརྟན་པ་དང་། ༸སྐྱབས་རྗེ་མཁན་སློབ་རྣམ་པ་དང་། རྒྱལ་བ་གཤེན་ཚང་ཡབ་སྲས་གཙོས་རིས་སུ་མ་ཆད་པའི་བསྟན་འཛིན་སྐྱེས་ཆེན་རྣམ་ཀྱི་གསང་གསུམ་གེགས་མེད་བརྟན་ཅིང་མཛད་ཕྲིན་ལྷུན་གྱིས་འགྲུབ་པ་དང་། བསྟན་སྦྱིན་ལྷ་སྡེ་མི་མང་གི་རེ་བའི་བྱ་བ་ལམ་སློང་ཡོང་བ་དང་། སྙིགས་མའི་དུས་ཀྱི་རྒུད་ཚོགས་ཐམས་ཅད་མྱུར་དུ་ཞི་ནས་ཕན་བདེའི་རྩ་ལག་ཕུན་སུམ་ཚོགས་པ་འབྱུང་བའི་ཆེད་དུ་དམིགས་ནས། ལོ་འགོ་ལ་སྲིད་རྒྱལ་འབུམ་ཚོགས་དང་། ལོ་མཇུག་ཏུ་དྲན་པའི་འབུམ་ཚོགས་ཆག་མེད་འབུལ་སྲོལ་ཡོད་པ་བཞིན།

འདི་ལོ་ཡང་བོད་ས་ཁྱི་ལོའི་ཧོར་ཟླ་ ༩ ཚེས་ ༢༠ ནས་ ༢༧ བར་དུ་བླ་སྤྲུལ་དགེ་བའི་བཤེས་གཉེན་རྣམ་པ་དབུ་བཞུགས་ཐོག་སྐྱབས་གནས་འདུས་སྡེ་རྒྱ་མཚོས་བདུན་ཕྲག་གཅིག་གི་རིང་ལ། རིག་འཛིན་ཀུན་གྱི་གཙོ་བོ། ཀུན་བཟང་ཐུགས་ཀྱི་སྤྲུལ་པ། གཤེན་རབ་བསྟན་པའི་གཉེར་དཔོན། ལྔ་སྙིགས་དུས་ཀྱི་དཔལ་མགོན་ཞལ་གྱིས་བཞེས་པའི་། བྱང་སེམས་ནམ་མཁའ་ལྟ་བུའི་བདག་ཉིད་རྒྱལ་དབང་ཁོད་སྤུངས་དྲན་པའམ་བླ་ཆེན་དྲན་པ་ནམ་མཁའི་སྒྲུབ་ཐབས་ཡང་སྙིང་དབང་གསུམ་གྱི་སྒོ་ནས་འབུམ་ཚོགས་ཀྱི་མཆོད་སྤྲིན་ཆེན་མོ་རྒྱས་འབུལ་ཞུ་བཞིན་ཡོད་པ་བཅས་ཀྱི་གནས་བསྡུས་སུ།

མེ་ལོང་ཡེ་ཤེས་དྲ་བའི་གཙོ་སྒྲུབ་པས། ༢༠༡༨ ༡༠ ༣༡ ཉིན་སྤེལ།། །།

དགོངས་ཚུལ་མེད།

གསལ་བརྡ། གལ་སྲིད་སྐུ་ཉིད་ཀྱིས་རྩོམ་གྱི་གཤམ་དུ་དཔྱད་གཏམ་སྤེལ་ཚེ་ངེས་པར་མཁྱེན་དགོས་པ་ནི། རང་མིང་དངོས་དུ་བཀོལ་ནས་ཕན་ཚུན་གུས་བཀུར་དང་བརྩི་འཇོག་ལྡན་པའི་སྒོ་ནས་དཔྱད་མཆན་འདེབས་རྒྱུ་མ་ཟད་བསྟན་པར་འཚེ་བའི་རིགས་དགག་བྱ་རུ་དགོངས་དགོས་པ་དང་། དེ་བཞིན་ངེད་དྲ་ཚིགས་ཀྱི་འཕྲིན་ལས་ཡུན་ནས་ཡུན་དུ་བརྟན་པ་དང་རྒྱས་དགོས་ཕྱིར་ཁྲིམས་འགལ་གཤེ་སྐུར་གྱི་རིགས་སྤང་བྱ་རུ་བཟུང་ནས་བསྟན་པ་སྤྱི་ལ་ཕན་པའི་མཆན་བུ་འདེབས་རོགས་གནང་ཞུ་ཞུ། །

ལན་སློགས།